Current track

Title

Artist


Tur hende sa ku tin un problema mundial pa loke ta Corona Vírùs

Written by on 5 April, 2020

Nota: Tur hende sa ku tin un problema mundial pa loke ta Corona Vírùs. Merka bèrdat a tuma nota ku narkotráfiko ta usa e oportunidat aki pa asina pasa droga pa yega su pais i e islanan den Karibe. Pa e motibu aki, el a manda varios barku merikano ku ekiponan militar riba dje pa asina vigilá kosnan ilegal.

Lógikamente Venezuela mirando ku Presidente Maduro tin un òrdu di aresto di Merka, a sinti’e intimidá. Segun e presidente ku ta un wega esaki ta, pa subi su pais pa atendé ku ne. Mesora e tambe a prepará su ekiponan militar i tin tenshon.

Aki na Kòrsou tambe militarnan hulandes ta bezig ta wak nos kosta, paso informashon a drenta ku tin yen hende na Venezuela ta kla pa bin ku boto nos pais pa asina buska kuido médiko, mirando ku na e pais nan no por haña.

Tantu Kòrsou i Aruba a buta warda kosta i ku yudansa di militarnan hulandes a arma na e kostanan pa asina vigilá tur kos.

Ainda tin un situashon di un barku ku bandera Portuges ta mara den nos Haf, ku algun dia a kibra un barku di warda kosta di e pais Venezuela pa despues drenta nos haf pa bunker (tank).

Venezuela ta rabia paso segun e, Hulanda i Merka a bisa ku Kòrsou no kontrolá e barku ku a hasi daño na nan propiedat.

Pa loke ta milisia si ta yudando kuerpo polisial.


Reader's opinions

Leave a Reply

Your email address will not be published. Required fields are marked *