Current track

Title

Artist


Pronóstiko di tempu pa Kòrsou

Written by on 25 July, 2020

Pronóstiko di tempu pa Kòrsou i bisindario bálido te djadumingu mainta 06:00 o.l., 26 di yüli 2020.

Kompilá:
djasabra 25 di yüli 2020, 05:00 o.l. (09:00 UTC).

Tempu:
Parsialmente nublá i ku algun awaseru.

Temperatura máksimo lo alkansá 32ºC i temperatura mínimo 26ºC.
Solo ta sali 06:21 i ta baha 19:03 o.l.

Bientu:
Generalmente ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/ora, 17 te 21 nudo).

Situashon general:
Algun nubia lo move de bes en kuando riba nos region di kual algun di e esakinan lo generá un òf mas áwaseru riba Kòrsou. Mas aleu, sigun tormenta tropikal Gonzalo ta aserka nos region awe anochi, esaki lo kousa pa e kondishon atmosfériko bira mas favorabel pa desaroyo di nubianan signifikante ku na su lo trese algun yobida riba nos islanan prinsipalmente djadumingu. Di otro banda, e fluho di bientu lo varia di moderá te momentunan basta kalmu. Durante kaida di bientu e sentido di kalor por ta un poko mas tantu durante di dia.

Kondishon di laman:
Moderá ku altura di olanan serka entre di 1 i 1.5 meter (3 pa 5 pia).

Sistemanan signifikante di wer tropikal:
Sistemanan signifikante di wer tropikal: Tormenta Tropikal Gonzalo ta situá riba laman Atlántiko i ta sigui move den un direkshon wèst. Ta antisipá ku e sistema aki lo drenta área di Karibe awe. Tropikal Hanna ta situá riba golfo di México i tambe ta move den un direkshon wèst i lo afektá e estado di Texas (Merka). Mas aleu, tin un disturbio djis sur di islanan Cabo Verde riba Atlántiko Tropikal ku ta mustra un potensial moderá pa sigui desaroyá den un siklon durante e siman benidero. E sistema aki tambe lo move den un direkshon wèst aserkando e área Karibense. Aktualmente ningun di e sistemanan aki ta forma un menasa direkto pa Kòrsou, sin embargo Servisio Meteorológiko ta sigui vigilá tur e sistemanan di wer aktivamente i lo emití e boletin nan di prekoushon na momento ku esaki ta nesesario.

Fenómeno spesial:
Ningun.

Perspektiva te djaluna mainta: 
Bastante nublá i ku mas chèns pa algun yobida durante di dia ku chèns ku bos por zona.

Meteorólogo:
Figueroa.

E próksimo boletin di tempu lo wòrdu publiká djasabra 11:00 o.l. (15:00 UTC)


Reader's opinions

Leave a Reply

Your email address will not be published. Required fields are marked *