Current track

Title

Artist


PROHIBISHON PA SAKA POTRÈT DI KARCHI DI VOTA

Written by on 2 March, 2021

WILLEMSTAD 19 di mart 2021 tin elekshon pa un Parlamento nobo di Kòrsou. E diferente partidonan polítiko ta hibando kampaña pa logra mas tantu voto pa di e forma ei haña representashon den Parlamento.Elekshon liber, sekreto i honesto ta base di un estado di derecho demokrátiko. E importansia ta ankrá den Areglo di Estado i areglonan internashonal.Un votadó tin e derechi pa emití su voto sin ningun influensia i pa tene su desishon pa su mes.A base di e Kódigo Penal, kompra of benta di voto por wòrdu kastigá ku un kastigu di prisòn di máksimo 2 aña. Ora ta trata di froude ku voto, hopi biaha un potrèt komo prueba di bo eskoho ta nesesario pa por kobra plaka. Pa e motibu aki den e Reglamentu di votashon (Kiesreglement) artíkulo 68a ta stipulá ku ta prohibí pa saka potrèt durante votashon den e lokal di vota.Ministerio Públiko lo vigilá ku e elekshon lo ta unu liber i hustu.


Reader's opinions

Leave a Reply

Your email address will not be published. Required fields are marked *