Current track

Title

Artist


Por hasi denunsia na Polis via di un E-Form

Written by on 8 May, 2021

 Willemstad——Kuerpo Polisial ta sigui perfekshoná su proseso di hasi denunsia dor di hasi bida di esun ku ya lamentablemente a bira víktima di un echo kastigabel òf esun ku a tuma nota di esaki, mas fásil.

 Awor denunsiantenan di sea ladronisia, kiebro, destrukshon, menasa, maltrato òf violensia, por subi nos wèpsait (www.polis.cw) i yena tur informashon di nan denunsia ofisial kompletu. Si te ku e momentunan aki, bo ta manda bo deklarashon ‘online’ i polis mester traha e denunsia, aworakí bo mes por yena tur detaye a base di e preguntanan riba e formulario digital i agregá eventualmente potrèt òf video di e suseso. Ora bo subi e wèpsait, bo ta klek riba Hasi denunsia i despues bo ta klek riba e balki blou te abou riba e página. Inmediatamente e E-Form ta habri, di manera ku bo por kuminsá yena e informashonnan ku ta wòrdu pidí. Di e manera aki nos ta risibí tur informashon ku nos mester, sin ku mester keda yama, pa risibí informashon adishonal pa konkluí e denunsia. Ta importante si, pa bo kontesta e preguntanan riba e E- Form mas kompletu posibel. Esaki ta aselerá e proseso pa bo denunsiá wòrdu prosesá i bo kaso keda investigá. Outomátikamente e informashon ku bo yena den e E-Form, ta drenta digital na e warda di polis konserní, kaminda e ta keda prosesá. Seguidamente lo bo risibí un yamada telefóniko òf mail pa asina bo pasa firma bo denunsia.


Reader's opinions

Leave a Reply

Your email address will not be published. Required fields are marked *



%d bloggers like this: