Current track

Title

Artist


Min. Rhuggenaath: Dependé kon bai den fin di siman lo evaluá e medidanan

Written by on 9 April, 2020

Willemstad,– Promé minister Eugene Rhuggenaath a splika ayera ku ainda ta nos konfrotando situashon di krísis di Corona vírùs i ku nos a yega 14 persona ku a tèst positivo, pero sinembargo e ta kere ku por konstatá ku nos tin e situashon relativamente dominá.
El a bisa ku maske ku e medidanan a impaktá nos bida, esakinan tabata nesesario i tabata efektivo. Esaki no ta nifiká ku nos ta kla, mester prepará pa un temporada mas largu kaminda nos mester sòru pa sigui mantené e distansia sosial, i sòru pa nos mes salu. Tambe e ta bisa ku mester sigui keda den kas. Promé minister ta bisa ku ta monitor tur manera pa asina na fin di siman aki wak na unda nos ta ku e situashon di korona vírùs na Kòrsou i kisas e ora ei internamente des-eskala e medidanan.
P’esei ta kòrda tur hende ku e medidanan ta netamente pa kuida nos salu i spar bida den nos komunidat. “Opviamente tumando e desishonnan nos tabata konsiente ku e tin su impakto ekonómiko i sosial. Manera nos a tres dilanti i tambe e rapòrt ku e bini, t’asina ku for di ora bo tuma medida ku bo ta sera vuelonan pa bo pais, e ta impaktá entre otro bo sektor turístiko. Tambe ora bo sera negoshinan e ta afektá e negoshinan ei, pero ta afektá tambe tur hende ku tabata gana nan pan di kada di na e negoshinan aki”, asina promé minister a bisa. E ta sigui enfatisá ku tin hopi hende preokupá ku no sa kon ta yega e siguiente dia. Pues impakto di e medidanan ku a tuma, e situashon ekonómiko mundial a afektá nos den nos komunidat, den nos ekonomia, den nos bario nan, den nos kasnan i tin un tenshon reinando.
Promé minister señor Eugene Rhuggenaath ta sigui bisa ku antisipando riba esakinan a reserva fondo nan kaminda SOAW a kuminsá proveé materianan pa ku higiena i tambe ta duna asistensia mesora na e hendenan ku a registrá. “Ora bo ta papia di ekonomia ku ya kaba tabatin su retonan i ku ya kaba tabatin desempleo di 20%, ta nifiká ku awor ku e parálisis kousá pa e medidanan ku e impakto riba nos komunidat, tantu esnan ku tin trabou i esnan ku ta traha riba nan mes, aworakí nan entrada ta insigur i pa esei mes a instituí e komishon ‘noodhulp’ ku a bini ku un rapòrt.


Reader's opinions

Leave a Reply

Your email address will not be published. Required fields are marked *