Current track

Title

Artist


Marilyn Alcala Walle a tuma retiru komo minister

Written by on 28 January, 2020

Willemstad,– Partido PAR a yama un rueda di prensa urgente ayera tardi na nan sede, kaminda nan a anunsiá ku minister Alcala Walle a disidi ku e ta entregá su retiru despues ku den oranan di mainta ministerio públiko a yama promé minister Eugene Rhuggenaath pa pone na altura ku tin un investigashon ta bai kuminsá despues ku na òktober aña pasa a drenta un denunsia kontra di Minister Marilyn Alcala Walle.E denunsiá aki ta pa posibel violashon di e Landsverodering Integriteit Kandidaat ministers, kual tambe ta konosí den bola di pueblo komo lei di screening.
Despues ku e keho a drenta den luna di òktober, mesora den e mesun luna aki ministerio públiko a duna òrdu na landsrecherche pa hasi investigashon di e echo, basá riba e denunsia aki. Entretantu a investigashon a terminá ku e investigashon aki i kual a kondusí na un investigashon penal ku lo inisiá kontra señora Alcala Walle.
Señor Rhuggenaath a splika ayera ku den oranan di ayera mainta gobernadó a pone na altura despues ku ministerio públiko a pone gobernadó na altura. E proseso a bai di e manera ku ta preskribí den e lei di screening ku ta bisa ku un minister ku keda konsiderá komo sospechoso den un investigashon penal pa motibu di un delito, inmediatamente mester tuma su retiru i ta lokual tambe señora Alcala Walle a hasi mesora ayera den oranan di mèrdia.
Mester bisa ku tur e mandatarionan i parlamentarionan pa partido PAR tabata presente durante di e rueda di prensa i por a tuma nota ku nan ta lamentá e lokual ku a sosodé



Reader's opinions

Leave a Reply

Your email address will not be published. Required fields are marked *