Current track

Title

Artist


Lock Down Temporal Pa Korsou 24/7

Written by on 29 March, 2020

Willemstad- Gobièrnu a bini ku un Toque di Queda henter dia. Tur kos ta kuminsá for di 9or di anochi i lo sigui pa 2 siman. E intenshon ta pa tur hende kas.
Si tin hende ku mester bai supermerkado, botika of bo mester bai wak un hende grandi ku bo ta kuida na un kas, bo por sali bai wak esaki. E idea ta pa ta na kas mas lihé posibel. Gobièrnu lo saka lista di tur e kompanianan ku lo operá durante e toque de queda.
E negoshinan manera supermerkado i otro nan ku por habri, mester sera 7or anochi. Benta di number no por sigui por lo pronto. Transporte públiko lo sigui netamente pa e hendenan ku mester bai un punto pa otro si nan no tin outo basta ta algu esensial.
E parti entiero tambe ta keda normal bou di e reglanan ku a keda buta.
Reglanan ku supermerkado of toko mester tene na kuenta kune..
1) Tur establisimentu mester tin produkto pa desinfekta na porta di negoshi.
2) Mester tin produkto desinfektante pa tur kliente limpia ora nan usa garoshi.
3) Ora bo bai supermerkado bo mester kana ku garoshi, ta prohibi pa kana sin esaki. Minimarket i toko bo tin ku aplika e 2 meter di distansia.
4) Den supermerkado i negoshinan mester tin strepi i imágennan abou pa indika un kliente unda e tin ku para.
5) Niun hoben bou 16 ana por drenta supermerkado
6) preferibel 1 hende pa famia drenta establisimentunan
7) No por kome, bebe dilanti establisimentunan
8) Despues di kada transakshon di ATM, mester limpia esaki pa otro kliente sigui usa esaki
9) Produktonan di desinfektá manera Hand Sanitazer, glasial, lysol etc, bo no por kumpra mas ku 2.
10) Empleadonan mester sa e reglanan di distansia físiko.
A introdusí but pa varios infrakshon ku por wòrdu tuma. Kada 2 siman por bringa bo but si bo no ta di akuerdo ku ne. OM a saka lista di suma ku bo por haña pa but si bo faya.
1) Negoshinan ku keda habri mas lat ku e ora stipulá lo risibí un but di , 1000fl. 2000fl di but pa negoshinan ku tin mas ku 25 hende aden.
2) Bo kana den grupo di 4, bo ta haña 750fl di but pa kada persona.
3) Si bo no ta tene bo mes na regla di 2 meter di distansia ( distansia físiko), bo ta haña un but di 500fl
4) Hende ku bin huntu sea públiko òf priva kaminda gobièrnu a bisa ku no por, lo haña 2000fl di but.
5) Hende riba kaya durante toque de queda ku no tin nada di hasi riba kaya, bo ta ahan 750fl di but.
Kuerpo polisial sa ku tin sierto kosnan ku tin ku regla, dus por ta un tiki fleksibel, pero despues si lo tin man duru.



Reader's opinions

Leave a Reply

Your email address will not be published. Required fields are marked *