Current track

Title

Artist


Kasnan di kuido di nos grandi nan ta prepará kontra COVID-19?

Written by on 26 August, 2020

Willemstad – Mirando desaroyonan na Kòrsou resientemente Sr. Calmes a manda un karta pa Minister di Salubridat, Sra. Jesus Leito,pa risibí informashon kon prepará kasnan di kuido di nos hende grandi nan ta. E virus maligno COVID-19 no ta hasi distinshon, ta kibrando paísnan sosialmente, ekonómikamente i ta trese tristesa di asta morto di ser kerí nan. Kòrsou no ta un eksepshon. Despues ku primeramente personanan no lokal a trese COVID-19 Kòrsou, awor nos a drenta fase 2 dor di posibel plamamentu di COVID-19 entre esnan lokal. Resientemente nos a mira ku COVID-19 ya a wòrdu detektá serka un alumno i a drenta porta di skol.
Sr. Calmes ta asentuá ku nos skolnan i kasnan di kuido pa nos hende grandi nan mester risibí ekstra atenshon pa ta bon prepará. Sr. Calmes kier sa di Minister ku su departamentonan a hasi kontrol riba kasnan di kuido di nos grandi nan den kuadro di prevenshon pa COVID-19 i kon prepará nan ta? Tur kasnan di kuido tin un plan di aserkamentu pa momento konstatá un kaso?, ta otro pregunta hasi dor di Sr. Calmes. Tambe Sr. Calmes kier risibí informashon si tur trahadó di kasnan di kuido di grandi nan a wòrdu di “train” kon tin ku aktua si surgi un kaso i pa detektá síntomanan serka nos hende grandi nan. Mirando ku Gobièrnu a saka publikashonnan riba COVID-19 dirigi riba skolnan Sr. Calmes a puntra e Minister si Gobièrnu ta bai saka publikáshon dirigí riba kasnan di kuido pa nos hende grandi nan.
Sr. Calmes ta preokupá pa nos grandinan pasobra aparentemente COVID-19 tin resultado debastador riba esnan ku nan sistema di salú ta menos fuerte ku por ta nos hende grandi nan tambe. Den union nos tin ku prepará i traha sperando un bakuna pa kaba ke virus maligno aki.


Reader's opinions

Leave a Reply

Your email address will not be published. Required fields are marked *