Current track

Title

Artist


Karta Pa Formadó Chester Peterson di Empleadonan di CBA Television

Written by on 25 May, 2021

Komo empleadonan (periodista, presentadó, kamarógrafo i tékniko) di CBA Television (Master Media Management) – formalmente nunka a termina e relashon di trabou – kual sr. Chong tabata responsabel p’e, nos kier a ekspresá nos preokupashon na interes di Kòrsou. Bo persona komo Formadó ta responsabel pa un gobièrnu ku mandatarionan íntegro.Sr. Chong den su karera tabata metí den praktikanan ilisito ku no por mira lus di dia i asta a risibí kondena pa aktonan di korupshon kometé tempu ku e tabata diputado. Pa e motibu aki so sr. Chong lo no por okupá niun puesto ministerial.I pa pone chèri riba e bolo, por tuma nota di e debakel di CBA Television. Sr. Chong tabata propietario di e planta di televishon, pero hasiendo uso di konstrukshonnan hurídiko i personanan pa para komo intermediario, el a sòru pa via di e manipulashonnan aki, e no keda pone responsabel. E ta un empleado publiko, trahando na e ministerio di desaroyo ekonómiko i ta prohibí pa un empleado publiko tin un funshon sekundario. Riba su mes ya kaba esaki ta un aktitut dudoso.Na aña 2019 bou di maneho di Ramon Chong e planta di televishon a bai atras i a yega asina leu ku Servisio di Impuesto a pone beslag riba mobilario i aparatonan, i a bende esakinan na findishi. E tabata retené sèn di impuesto i primanan sosial sin ku e tabata entrega esakinan na Servisio di Impuesto i Banko di Seguro Sosial (SVB). Trahadónan no tabata risibí nan salario kompletu. E suma total di e debe ku nos a kalkulá ta ANG 150.000,- , pero probablemente esaki ta muchu mas tantu ku e sifra ariba menshoná. Tur esaki komo konsekuensia di no paga salario/montantenan a base di akuerdo ku CBA/Chong, ku nos tin derechi riba dje. Ademas sr. Chong tin debenan kuantioso di hür atrasá. Historia di e trahadónan di CBA ta teribel i te awe tin trahadónan ku debenan kuantioso, beslagnan ku a keda pone riba salario i propiedatnan ku konsekuensia ku tin asta kaso di un persona ku a pèrdè su kas ku a keda bende na findishi dor di banko. En todo kaso ta hopi kla ku sr. Chong tin debenan kuantioso na Servisio di Impuesto i SVB ku e mester paga, den kaso ku ainda e ta aspirá pa okupá un puesto ministerial.Kisas komo abogado, bo persona lo sugerí pa nos tuma pasonan hurídiko, pero den e kaso aki lamentablemente esei lo no ta posibel pa motibu ku sr. Chong, astuto manera e ta, no tin nada registrá riba su nòmber . Banda di esaki tin e echo ku CBA Television no a keda deklará bankarota dor di sr. Chong òf otro persona ku komo konsekuensia ku nos no por apliká pa bin na remarke pa risibí sesantia. Mirando e relashon ku sr. Chong tin ku e direktor di SVB, lo no tabata nada difísil pa el a atendéasuntunan na un manera hustu ku e trahadónan. Lamentablemente e sa semper di kana e kamindanan ku ta kumbiní su persona mirando ku no ta promé bia ku un kompania ta bati bankarota bou di su maneho.Nos komo trahadónan e keda ketu e último dos añanan, saliendo for di e punto di bista ku e lo asumí su responsabilidat pero nada di esaki a resultá bèrdat. Awor ku a bira konosí ku sr. Chong pensando solamente riba su mes i hinkando hopi hende den problema i aki aya tin debenan habri, ke bai okupá un puesto ministerial, desishon a kai ku nos komo eks trahadónan no ta bai sinta ketu mas. Pueblo di Kòrsou mester sa ta ken ta bai atendé su asuntunan.Komo trahadónan den media ku último añanan a raporta kasonan ku no por mira lus di dia, ta hasi un apelashon riba bo persona komo Formadó pa no kometé e eror i laga sr. Chong presta huramentashon komo minister. Ku un karchi di kastigu, debenan kuantioso na SVB i Servisio di Impuesto, debe di hür di edifisio i trahadónan, ta imposibel ku sr. Chong por bira minister. Integridat ta kondishon number unu pa un persona keda nombra komo minister i den e kaso aki e no ta kumpli ku e kódigo di integridat. El a faya komo gerente di un kompania i 30 trahadó i ta inaseptabel ku sr. Chong ta bira lider di e pais aki ku ta konsistí di 160 mil hende. Nos komo eks trahadónan lo hasi tur loke ta den nos alkanse pa evitá esaki i di kurason nos ta konta ku bo koperashon komo Formadó.Gustosamente nos lo ke sa bo opinion riba esakinan. Nos ta konta ku bo koperashon i ta dispuesto pa personalmente duna mas aklarashon riba e puntonan menshoná.

Atentamente,Empleadonan CBA Television

Ulrich Leonora (contactpersoon, tel. +599 9 512 5461)

Wendell Martis

Quido Tecla

Surelma Migue

lElton Paulina

Rick Hart

Merietza Haakmat

Pipo Villasmil


Reader's opinions

Leave a Reply

Your email address will not be published. Required fields are marked *



%d bloggers like this: