Current track

Title

Artist


Jo Anne I Germone a firma un akuerdo di koperashon ku TeleCuraçao

Written by on 12 July, 2021

WILEMSTAD-For di un prensipio redakshon di notisia ons radio a informa ku tin rumor riba jo Anne I tambe Germone

Jo Anne ta Publika riba su facebook

Bida ta un seri di desishon. Sigui sirbi boso den nos forma kustumbra di informá òf no? Esaki ta É pregunta ku a tene nos tur dos okupá e último lunanan. Tabata imposibel pa nos a sera wowo p’e tempu di reto sin igual ku nos pais ta enfrentando. Tin un set i nesesidat pa informashon, ku por yuda trese nos tur huntu mei mei di kualke di nos diferenshanan. Al final ta 1 Kòrsou tin i nos tur stim’é. Tòg?For di e propósito ey nos a sinti un obligashon moral i síviko pa por lo pronto sigui sirbi boso i uni forsa pa realisá un proyekto ku kual nos eksperensha i talento kombiná lo aportá na progreso di nos Kòrsou. E Kòrsou ku nos tur ta biba p’e apesar di tur opstakulo, paso ta riba e isla aki nos tur su felisidat ta. Pa esaki nos ta sumamente kontentu di anunsia ku awe nos a firma un akuerdo di koperashon ku TeleCuraçao. Nos ta enormemente agradesido pa e aserkamentu genuino i bonbiní kaluroso risibí. Komo produktor independiente i ku sosten hermanal di TeleCuraçao, nos lo usa e arte di komunikashon pa aporta na nos pais un ratu mas. Durante e próksimo periodo nos lo traha duru riba nos proyekto na TeleCuraçao. Boso kada un sea direktamente òf indirektamente lo por bai aportá i nos ta konta ku esei. Spera algu díferente i di nivel, manera kustumbrá ku nos ta duna. Nos ta gradesi di kurason tur ku sinseramente a aporta na nos kaminda den pasado i te awoki. Nos ta entusiasmá pa tur esnan ku ainda tin ku bin. Den esaki nos ta kontentu di tin e libertad di habri portanan di oportunidat nobo i ku kada ken a realisá ku Kòrsou ta kla pa den union nos yega na mas. Nos enfoke ta riba futuro i nos ta konvensí ku tin unu briyante pa nos pais. Ban p’e bo tambe.Ku hopi amor i tur bon deseo pa bo❤, Jo-Anne & GermôneBou di bendishon nos lo kan


Reader's opinions

Leave a Reply

Your email address will not be published. Required fields are marked *



%d bloggers like this: