Current track

Title

Artist


Jason Vic a bin konfrontá problema despues ku donantenan di un fundashon ku el a yuda lanta a laga hasi un innvestigashon

Written by on 11 February, 2021

Willemstad— “Day Trading”, kompra i benta di aktivo (akshon) via internet riba bolsa di balor, a pone ku e hóben Jason Vic a bin hañ’é den problema ku hustisia.Jason na e momentonan aki ta detené pendiente su investigashon i interogashon. Ta sospechá ku e la malversá un suma di 50 mil florin. E hóben Jason Vic a bin ku e magnífiko idea pa repartí pakete kuminda pa esnan den nesesidat aña pasa den luna di aprel . Jason a aserka algun persona pa asina por a haña sosten pa yega na e pakete nan di kuminsá pa parti pa esnan den nesesidat. Esnan ku e la aserka a haña esaki un tremendo idea i mirando e akohida ku Jason tabatin riba Facebook kuminsando ku su weganan prèt pa despues sigui pa yuda esnan den nesesidat. Mesora esnan ku Jason a aserka i ku a haña e idea di Jason un bon inisiativa a kuminsá buska vários donante ku a duna basta sèn pa asina por kumpli ku e soño di Jason i hasié realidat. E idea di Jason a bin kristalisá i den un par di luna esaki a bira asina grandi ku a disidí di bai lanta un fundashon. E fundashon tabata konsistí di tres persona entre nan Jason mes i tambe un akountent. A sigui ku repartishon di kuminda pa esnan den nesesidat i tabata den luna di Ougùstùs a pidi Jason kuenta di rason di tur loke e la hasi ku plaka ku tabata wòrdu depositá den e fundashon. Jason no por a duna kuenta di rason kon tur e plaka ku tabata Sali for di e fundashon a ser usa. Mesora a kuminsá ku un investigashon atministrativo debí ku tabata sospechá ku tabatin froude a tuma lugá. A manda yama Jason pa bin duna kuenta i rason di tur e plaka ku a ser usa pero e no a presentá. debí ku e no a presentá mesora a orden’é pa stòp di lanta sèn for di e kuenta di e fundashon pero e la sigui hasi esaki. For di e investigashon a bin saka afó ku na no ménos ku 14 biaha Jason mester a falsifiká faktura pa por keda ku plaka i tambe na 14 okashon e la falsifiká adrès ku supuestamente e la bai hiba pakete di kuminda i na 14 okashon e la traha kwitantie falsu. Na final ora a bai hasi un konteo a yega na e suma di 50 mil florin ku a keda malversá. Ora a tuma nota di e kaso di malversashon a asta dun’é un chèns esta un di dos oportunidat pero tòg e la sigui malversá mas sèn debí ku e tabata sa e trayektoria kon pa yega na e fondonan. For di e investigashon a bin saka afó ku Jason tabata adikto na “ Day trading” . Day trading ta subi riba Internet i kumpra akshon riba bolsa di balor. Na sèptèmber a bai hasi un denunsia kontra di Jason Vic. Por a komprondé ku famia di e sospechoso a kuminsá paga un parti di e plaka despues ku a hasi e denunsia pero no a kaba ainda. Awe wes komisario lo bai tuma un desishon riba e investigashon ku Jason ta envolví den dje. Entretantu famianan di Jason a paga un parti di e suma.


Reader's opinions

Leave a Reply

Your email address will not be published. Required fields are marked *



%d bloggers like this: