Current track

Title

Artist


Guaidó ta anunsiá yudansa di 20 mion di dòler pa COVID-19 na Venezuela

Written by on 28 March, 2020

CARACAS – E lider opositor di Venezuela Juan Guaidó a anunsiá e entrega di 20 mion di dòler, ku ta bini di kuentanan reskatá pa e gobièrnu enkargá, na organismonan internashonal pa atenshon na e pais di e pandemia di coronavírùs.
Esaki a indiká ku nan a logra rekuperá 20 mion di dòler pa esaki nan keda otorgá i atministrá pa organismonan multilateral internashonal, kende nan lo entregá yudansa di forma dirèkt na esnan ku ta den mester na Venezuela.
Guaidó ademas a splika ku e plaka aki ta bini di kuentanan reskatá pa oposishon, sin ku el a duna mas detaye relashoná ku esaki i tampoko a spesifiká na kua kuenta e ta referí.
E yudansa aki lo permití e dotashon di ekipo di protekshon di profeshonalnan di salú, kolaborá ku restablesimentu di servisio di awa na algun sentro médiko i lo yuda ku produktonan manera gèl antibakterial ku tantu falta ta hasi.
E opositor a pone komo kondishon pa e rekursonan aki no pasa den man di e presidente Maduro ni su kómplisenan, pues segun el a indiká, esaki nan lo hòrta meskos ku nan a hasi den e último añanan.
Guaidó a anunsiá ademas designashon di diputadonan Carlos Berrizabeitia i Juan Pablo Guanipa pa asina kordiná e yudansa internashonal ku ta destiná pa kombatí e pandemia na e pais.
Maduro di su banda te ainda a risibí yudansa di China i Rusia, su dos aliadonan polítiko k komersial, pero a solisitá tambe un fiansa di 5 mil mion di dòler na e Fondo Monetario Internashonal.



Reader's opinions

Leave a Reply

Your email address will not be published. Required fields are marked *