Current track

Title

Artist


Gobièrnu ta bai bende òf keda ku TeleCuraçao?

Written by on 12 November, 2020

Willemstad- Parlamentario Calmes a manda un karta pa Minister di VVRP puntrando si ta bai bende òf ta keda ku TeleCuraçao. Dos dje kompanianan,esta ATM (Telecuracao) nv i Dataplanet(Citex)  nv ku tabata kai bou di UTS no a wòrdu bende. 

For di dokumentonan analisá, Calmes por a dedusí ku BTP su konseho i esun di SBTNO, den kuadro kon tin ku atendé ku e akshonnan di ATM i Dataplanet, tabata diferensha di otro. SBTNO a bai mas leu tambe konsehando Gobièrnu pa laga hasi un investigashon (“due dilligence”) den ámbos kompania teniendo kuenta ke situashon finansiero malu di Gobièrnu. Calmes a tuma nota ku ni TeleCuraçao i ménos Dataplanet no ta wòrdu menshoná den e rapòrt finansiero mensual di Gobièrnu yama “Financieel Management Rapportage” (FMR) den kual tur NV di Gobièrnu ta menshoná. Informashon dje dos kompanianan aki no tei i ta forma un rísiko.

Kisas e dos kompanianan aki tambe ta bai wòrdu bendí? Calmes a dirigí su preguntanan na Minister di VVRP pidiendo aklarashon i informashon dje dos kompanianan aki. Tambe Calmes kier sa si ta bai bende òf keda ku nan. Ousensia di informashon dje dos kompanianan aki den e FMR a pone Calmes puntra tambe kiko te situashon finansiero di ámbos. Calmes:”Mi ke evitá mas sorpresa finansiero desagradabel  òf mas retiro kai”. Klaridat unda e akshonnan dje dos kompanianan di pueblo ta i resultado dje investigashon finansiero tambe Calmes a puntra pe.


Reader's opinions

Leave a Reply

Your email address will not be published. Required fields are marked *