Current track

Title

Artist


Gobièrnu di Reino ta mina Demokrasia di Kòrsou Ta bolbe tacha nos outonomia

Written by on 2 March, 2021

Willemstad – Partido Nashonal di Pueblo a konstatá ku Gabinete Rhuggenaath mes a aserká
Gobièrnu di Reino pa mina nos demokrasia. Esaki ta demostrá falta di kapasidat pa resolvé un
konflikto interno. Ku esaki ta bolbe kita for di nos outonomia dor ku nos mes no sa kon pa
resolvé un impase ku a surgi. Partido Nashonal di Pueblo ta kondená e petishon na Ulanda
hasi pa e intervenshon pa medio di un medida di alto supervishon dor di Gobièrnu di Reino.
Ta di lamentá ku hopi di nos no sa kon apresiá i balorá e lucha ku a ser hiba pa nos
emansipashon. Ku atkisishon di e derecho di outodeterminashon, nos mes a tuma riba nos e
obligashon pa nos por goberná nos pais di forma responsabel i outónomo. Dr. Moises Frumencio
Da Costa Gomez a trese bon kla dilanti ku ainda tin hopi trabou di desaroyo i emansipashon pa
hasi. Partido Nashonal di Pueblo, ku hopi disgustu, tin ku konstatá ku e aktual gobièrnu ta
entregando nos outonomia bek na pais madre pa falta di nan kapasidat.
Falta di kumplimentu di trabou dor di miembronan di oposishon.
Promé ku e impase aktual a surgi, ya tabata nòrmal pa vários miembro di Parlamento pa no
aparesé na trabou. Esaki ta un hopi mal ehèmpel ku ta ser duná na un trahadó komun i koriente,
sigur pa e montante ku ta paga parlamentarionan. Di otro un banda, sin ku ke papia esaki bon,
por tin sierto komprenshon pa e posishon tumá pa e parlamentarionan den e situashon aktual.
No por ta asina tampoko ku niun reunion ku oposishon yama no ta ser yamá o pone riba agènda,
miéntras ta spera ku nan lo tin ku kumpli ku partisipashon na reunion ku ta na interes di
koalishon so.
Koalishon mes tambe a faya.
Na final di e periodo di sinta di e aktual parlamentarionan, diferente kambionan a tuma lugá. En
bes di siña kon pa evitá un impase, koalishon ta sigui hasi mesun fayonan ku el a hasi den
pasado. Anto riba esaki ta provoká oposishon i yama nan afó. Pues e resultado ta bira opvio.
Intervenshon di Gobièrnu di Reino ta mina demokrasia
Opviamente Gabinete Rhugenaath no a sa di balorá nos outonomia i un biaha mas ta saka man i
pidi pais madre pa intervenshon pa por yega na un solushon. Pais madre na su turno ta haña un
otro oportunidat, riba nos mes petishon, pa bolbe tacha nos outonomia, pasó aparentemente
nos mes atrobe no por. Na momentu ku no a sobra mas instrumento na fabor di oposishon,
koalishon tambe ta konstatá mesun kos i yega na un solushon kolonial dor di saka man i pidi.
Partido Nashonal di Pueblo ta kondena e forma di proseder aki di e aktual gobièrnu.
KvK nr. 121234 ● MCB kuenta nr. 69837007 ● Facebook: Partido Nashonal di Pueblo ● [email protected] 2
A yega tempu pa partidonan madurá ku si sa kon duna balor real na nos outonomia tuma mando
i rienda di nos pais. Representantenan di partido PAR, tantu den gobièrnu komo den parlamento
mester siña kon pa solushoná nos problemanan “zelfstandig” i no ignorá o keda sin duna balor
na koleganan parlamentario den oposishon, pa despues kore bai bati na porta di Ulanda.
Artíkulo 43 di nos Statüt no a ser krea pa esaki. Ku e forma di proseder aki, e aktual gobièrnu a
trese otro página pretu den nos historia ku aplikashon di e medida di alto supervishon.
Klaramente, gobièrnu di Reino a mina nos demokrasia ku e intervenshon bergonsoso aki sin ku
tabata na nodi.
Ki dia Kòrsou ta madurá?
Ruthmilda Larmonie-Cecilia
lider Partido Nashonal di Pueblo


Reader's opinions

Leave a Reply

Your email address will not be published. Required fields are marked *



%d bloggers like this: