Current track

Title

Artist


Fresku Next Cover Model” (FNCM) ta bèk

Written by on 4 June, 2021

Willemstad E prome temporada, Fresku ta en buska di un modelo lokal pa e portada di Fresku Magazine su di 16 edishon. E buskeda aki a keda dokumentá estilo “ Reality show” i ta kla pa pueblo di Kòrsou mira na nos planta nashonal Telecuraçao.Temporada 1Manera ta konosí kaba, Nishaira Girigori a resultá e ganadó di e prome temporada di FNCM. Pa Fresku tabata un plaser pa asistí Nishaira na hasi su soño di bira un modelo realidat. Na September di aña 2020, Nishaira a debutá komo modelo internashonal na Milan i Paris Fashion Week, kaminda e la defilá pa kas nan di moda internashonal manera Valentino i Celine. Ku e mira aki Fresku ta kla pa diskubrí talento nobo i forma nan pa asina destaká den e mundu internashonal di modelahe.Fresku Next Cover Model S2Fresku ta mira e importansia pa krea oportunidat pa yuda i motivá nos hoben nan pa yega mas serka di nan soño den e mundu di moda. Pa e motibo aki Fresku ta lansa un segundo temporada di FNCM, pa sigui guia nos hobennan i engrandesé e sektor di modelahe profeshonal aki na Kòrsou. Pa e di dos temporada aki e ekspektativa di e kuerpo di hurado estelar, formá pa Akisha Albert, Monifa Jansen i Charles Jansen ta haltu i nan ta kla pa konosé i skohe e siguiente modelo ku lo ta riba e portada di Fresku Magazine.ShowSintonisá Telecuraçao, Djaluna 7 di Juni, 7or di anochi pa asina diskubri e modelo nan ku lo ta den kontienda pa bira Fresku su cover Model. Prepará bo mes pa disfruta di un djaluna karga ku emoshon, talento i moda. Tambe nos ta enkurashaá pueblo di Kòrsou pa sigui Fresku su pagina di Instagram i Facebook, @Freskudaily, pa keda na altura di e gran produkshon di FNCM.


Reader's opinions

Leave a Reply

Your email address will not be published. Required fields are marked *



%d bloggers like this: