[There are no radio stations in the database]

ENTIERO DI LUIS MADURO TA BIRA GUERA KU YAMADA DI POLIS

Written by on 10 February, 2021

WILLEMSTAD-Luis Maduro ta den su mundu di berdat, pero su entiero a bira un kampo di bataya na El Seniorial na momentu ku mamam di su yu a bin dilanti ku e ta regresa Colombia ku su yu Carolina di 8 anja. Sra. Esther Maduro ta tanta di Larissa Gomez ku tin tutela di e mucha ku su tata defuntu mes a duna. Sr. Maduro a bai sosega después di a hiba un lucha kontra di kanser i e ultimo anjanan di su vida el a biba na Colombia i Korsou kaminda el a hasi esfuersonan grandi pa kaba di prepara tur e dokumentunan necesario pa traspasa tutela di e yu en kestion bek pa su mama natural di manera ku e por kuide i krie. Informashonnnan konfirma ku nos redakshon a hanja ta indika ku a hasi tur loke ta nesesario pa e traspaso tuma luga mediante di e kanalnan legal. Sra. Maduro ku ta ruman di e defuntu a mustra riba e hecho ku tur kos a bai robes na e entiero pa motibu ku el a bai e “extra strech” pa Kenis Rodriguez Ayala regresa Colombia ku e mucha después di entiero di e tata. El a hanja sostén di ekspertonan legal via di su amistatnan den eksterior. Abogado mr. Blonk a atende hinter e prosedura. A hiba e proseso te na final i e yu por a papia ku su mayornan. Tabatin kontakto ku regularidat entre Carolina i su mayornan i aparentemente pa e sra. Gomez ku tin tutela di e mucha.

Sra. Kenis a bin Korsou ku e restunan mortal den forma di shinishi pa e entiero. Pero tur kos a bira un senario di drama na momentu ku e mama a bai papia i a bisa ku e ke su yu bek. Angelo Gomez, un eks polis ku ta partner di Larissa a yama polis pa e mama.
Djadumingu Kenis mester a regresa Colombia ku su yu, pero tur kos a para. Polis a yega e entiero ku sirena i tur kos a brua. Kenis a kue su yu bai skonde den banjo i ruman di e defuntu sra. Esther a hanje ta Sali tras di polis ku a bai ku e mucha. Kenis awor ta ilegal i esaki riba su mes ta pidi pa struktura hudisial atende e kaso aki mas pronto posibel. N’e entiero no a spera presencia di Kenis i esei a pone ku a yama polis. “Mi a yuda hinter e trayekto aki pa motibu ku mi kier a mira mama ku yu uni ku otro. Mi sa ku e mucha a kambia i mi a mira esaki. El a bira flaku i pa malu Larissa no tabata laga mi wak ni papia ku e mucha.

Polisnan a presenta na gran eskala na e sitio i di un forma ku por deskribi solamente komo abusu di poder a ranka mama i yu for di brasa di otro. Un senario dramatiko sin ku tabata necesario. Según sra. Larissa e mes por kuida e mucha. “Mi sa ku ta deskuidando e mucha. El a bira flaku, pero si niun hende no ke lague papia e ta keda den man di un pareha ku no ta e mayornan ideal pe. Mi sa ku tin maltrato. E mucha a aki a bai ‘Yuda mi Yu’ i bo por mira ku el a bira flaku, tin miedu. Na entiero e mes a bula den brasa di su mama i bisa k uta batie. E tabatin un selular ku e ta konte mama tur kos pero ta manera a kibra su spiritu”, según Esther.
Tantu na Colombia komo aki na Korsou a papia ku ne riba e tema di tutela i su yu muhe. E mama ta hibando un vida normal i e ta traha. Pe nan a horta su yu for di dje. El a kasa ku e defuntu pero e yu no ta fruta di e matrimonio. Tog e defuntu a rekonose e yu i a kria e mucha ku a mira e komo su tata.

Despues di e drama di djasabra Esther su famia a yama un reunion pa di un manera of otro plakia e situashon. Na Ulandes Semper a usa e frase “Voor Het Welzijn van het Kind”. Na instalashon di e 6 wesnan nobo pa Korte di Korsou resientemente mr. Saleh a enfatisa e importansha pa nos struktura hudisial Sali mas tantu posibel na interés di e mucha. Abusu di poder te ainda no merese espasio di esaki. Mester por atende e tipo di kasonan aki tambe ku e diligensia necesario pa un yu bai bek ku su mama. E defuntu a hasi esfuersonan inkansabel pa akudi na tur e instanshanan necesario pa e mucha yega bek serka su mama i pa atende e dokumentunan necesario. No ta un kaso di sen, ni di abusu di poder. Pero ta un kaso ku ta ekshi pa nos struktura di demokrasia funshona. Carolina mester bai serka su mama, awor ku su tata no tei mas i mester boltu Voogdijraad i kuminsa wak dikon tin asina tantu diskrepansha den e oportunidat pa muchanan bai bek ku nan mayornan ku di berdat ke i kriya nan

Amgelica Pariss Tin E Detayenan


Reader's opinions

Leave a Reply

Your email address will not be published. Required fields are marked *