Current track

Title

Artist


El TRIBUTO TA SIGUI SOSTENE FAMIA PA HONRA BIDA DI NAN SER KERÍ PERO MANTENIENDO NA NORMANAN NOBO.

Written by on 21 September, 2020

El TRIBUTO TA SIGUI SOSTENE FAMIA PA HONRA BIDA DI NAN SER KERÍ PERO MANTENIENDO NA NORMANAN NOBO. Nos ta bibando den un pandemia. Komo tal nos ta den un normal nobo. Nos kustumbernan tambe mester tene kuenta ku e normal nobo. Esei ta nifiká bira kreativo kon nos por ekspresá nos sentimentunan na un manera diferente.El Tributo ta kondena enérgikamente e loke a pasa ku nos shofùr na kaminda pa santana. A pasa kas di e defuntu i hañ’e konfrontá ku un situashon ku e no tabata na altura di dje ni prepará p’e. El Tributo no tabata na altura di e homenahe aki i e no ta konta ku nos aprobashon tampoko bou di situashon ku nos ta biba aktualmente i pues no por karga ningun responsabilidat pa esaki. Komo ku nos no ta toka privasidat di famia nos lo no bai den mas detaye. Si por bisa ku mesun kantante aki a wòrdu prohibí di kanta na belorio di e defuntu. Ta e mesun kantante aki tambe a kanta den santana na entiero di un otro konosido karnavalista.P’esei por ehèmpel El Tributo a introdusí live streaming, zooming,wèpsait eltributokondoler i otro uso di teknologia moderno pa nos sigui kombibí ku otro pero #Nami2. Un manera fásil ku famia por hasi pa honra bida di un defuntu ta traha un video di e persona su bida i manda esaki pa tur persona ku no por bai entiero. E ta un forma di honra e ser kerí i alabes un rekuerdo digital di e bida di e persona. Di e mesun forma si tin amistat i konosí ku kier ekspresá nan sentimentu na famia nan tambe por traha un video i manda esaki pa famia.Nos sa ku e situashon di pandemia aki ta mishi ku nos tradishon bunita di rindi tributo na nos ser kerí. Nos ta komprondé i kombibí ku famianan ku e situashon ta hasi doló i ta difísil pa famia sinembargo nos mester kuida otro pa nos NO lamentá ora morto kai debí na Covid-19 pa motibu ku nos no ta kuida i tene nos mes na reglanan preskribí pa gobièrnuEl Tributo a i lo sigui tene su mes na reglanan manera preskribí pa gobièrnu brindando famia oportunidat pa honra bida di nan ser kerí den e normal nobo.


Reader's opinions

Leave a Reply

Your email address will not be published. Required fields are marked *



Continue reading