Current track

Title

Artist


COVID-19 den hòspital,

Written by on 13 November, 2020

Último dianan a mira un oumento signifikante den pashèntnan ku ta bin na Emergensia di CMC.Esaki ta pone un preshon èkstra riba personal di kuido pa por duna trato na pashèntnan ku si tin emergensia. CMC ke supliká pa por fabor tuma kontakto ku bo dòkter di kas si bo tin síntomanan di COVID-19.No bin personal na hòspital.Na e momentunan aki CMC tin 5 pashènt ku COVID-19 hospitalisá.Pa loke ta trata empleadonan di CMC, na e momentunan aki tin un total di 39 kaso aktivo i 21 kaso ku a rekuperá.E 60 kasonan total ta 4.4% di CMC su okupashon di personal.Estadistikanan internashonal ta mustra ku e porsentahe di personal di kuido den hòspital ku ta keda infektá cu COVID-19 por yega na un máksimo di 35% konforme investigashonnan hasí pa World Health Organization (organisashon mundial di salú).CMC ta tèst tur empleado ku tin síntoma i tur empleado ku ta riba e “contact list” pa asina minimalisá rísiko ku un persona ta bin traha sin detektá ku e ta infektá.Tur miembro di personal di CMC ku a tèst positivo pa COVID-19 mester bai den isolashon i no ta permití pa bin traha na CMC tanten ku nan ta positivo.Premirando un situashon ku mas oumento den kasonan di COVID-19 den hòspital, CMC a tuma pasonan pa por sigui garantisá nivel di kuido. CMC a reforsá su tim ku personal di merka,gerensia di CMC huntu ku GMN i Ministerio di Salubridat, Naturalesa i Medioambiente ta den palabrashon ku Ministerio di salubridat di Hulanda pa mas enfermero,spesialista i alabes ta buskando den nos merkado lokal pa enfermeronan general i spesialisá pa yuda duna kuido.


Reader's opinions

Leave a Reply

Your email address will not be published. Required fields are marked *