[There are no radio stations in the database]

Aliansa kontra Violensha Doméstiko I abusu di mucha mes kos ku aña pasá ta organisá e aña aki atrobe un kurso pa boluntario

Written by on 18 February, 2021

Aliansa kontra Violensha Doméstiko I abusu di mucha mes kos ku aña pasá ta organisá e aña aki atrobe un kurso pa boluntario ku ke yuda Aliansa den e trabou di yudansa na víktima nan i nan famia. E trabou soshal aki ta keda hasí según un sierto método i un sierto regla di trabou. Si bo ta interesá den duna un man, bo por registrá bo mes via di organishon Bos di Hubentut serka serka Diliene Francisca òf Anisha Hansen na telefòn 4622442.Aliansa ta organisá un anochi di informashon tokante e trabou ku e tim ta hasi i tambe ta duna informashon tokante e kurso. Na final di e anochi e partisipante por disidí ku e ke partisipá na e kurso òf no. E anochi di informashon lo tuma lugá dia 22 di februari 18:00 na ofisina di Bos di Hubentut. E kurso ta partí den 7 seshon di 7 anochi di 2 ora kada biaha di 18:00 pa 20:00 di anochi. E kurso mes ta kuminsá dia 3 di mart pa 18:00.E trabou di un boluntario ta un servisio ku e persona ta duna na su komunidat. Na mes momento e ta un enseñansa tambe pa e bolutario tokante su komunidat i sientífikamente a keda pruebá ku e trabou ta yuda e boluntario tantu riba tereno di su salú mental i salú físiko.


Reader's opinions

Leave a Reply

Your email address will not be published. Required fields are marked *