Current track

Title

Artist


A konstatá di dos kaso aktivo di Covid-19 na Boneiru.

Written by on 29 August, 2020

A konstatá un kaso aktivo mas di Covid-19 na Boneiru. 
Ta trata di un habitante di Boneiru ku algun dia pasa a regresá for di Kòrsou.
E persona ku Covid-19 ta den hospital i ta haña tratamentu. 
E ta den isolashon poniendo asin’ei ku e chèns ta chikitu ku e por infektá un otro persona. Mientrastantu a start ku un investigashon pa haña sa kon e persona aki a keda infektá i tambe pa sa ku ken e tabatin kontakto. 
Departamento di Salubridat Públiko lo yama e persona ku e pashènt tabatin kontakto kuné. 
Esnan ku tabatin kontakto mas di aserka kuné ta bai den karentena. 
Si nan desaroyá síntoma ta tèst nan tambe. 
Ku a konstatá un kaso nobo di Covid-19 ta mustra kon importante ta pa sigui e reglanan di higiena. Evitá aglomerashon di hende,mantené 1.5 meter di distansia, laba man regular ku awa i habon. 
Kuida bo mes i esnan rondó di bo.


Reader's opinions

Leave a Reply

Your email address will not be published. Required fields are marked *