5 hóben studiante/deportista a sali rumbo pa Subiaco Academy na Arkansas Merka

E hóben nan Ivan Martijn, Justin Luidens, Jeadan Nieveld, Jonathan Mercera i Sahir Isei a destaká den nan deporte ku nan ta praktiká i ku ayudo di nan mayornan i Shurelton Hanley a krea e oportunidat pa bai studia na e prestigioso ‘boarding school Subiaco Academy’.

E hóbennan ariba menshoná ta praktiká e deporte di basketbòl den tantu e ekipo di Curacao Sharks komo Janwe Spartacus. Banda di e deporte di basketbòl, algun di e hóbennan aki ta praktiká beisbòl i futbòl tambe.

Aktualmente Sr. Hanley ta esun enkargá ku e Fundashon ku lo bai yuda pa mas hóben haña e oportunidat pa bai studia i praktiká nan deporte preferí na nivel di Highschool na Merka. Nos ta deseá e hóbennan aki tur klase di éksito tantu den nan estudio primordialmente komo den e deporte ku nan ta i lo bai praktiká.