Current track

Title

Artist


3 atrakadó ta sali hopi bon for di kaso

Written by on 26 May, 2019

WILLEMSTAD,—- Korte den promé instansia a trata un kaso ayera unda 3 sospechoso a presentá pa para responsabel di un kaso di atrako ku nan lo mester a kometé unda a laga e víktima nan basta troumá.Tabata 19 di novèmber aña pasá ku e hòmbernan Sebastian Romain, Kwinsie Maria i Yournaim Ortela lo mester a tira un atrako unda a uza machete pa logra nan meta. E sospechosonan ta ninga pero tin algun testigu basta klave ku ta bisa ku nan mester tabata huntu den e mesun orario ku e atrako a tuma lugá.
Asta mama di e hòmber Maria lo mester a deklará ku su yu tabata huntu ku e otro sospechosonan den e orario ku e atrako a tuma lugá. A bin haña algun paña di ‘zwartepiet’ ku e sospechosonan lo mester a uza pa e echo den serkania di e kas ku a bin realisá nan detenshon. Loke sigur a hala atenshon ta e echo ku a bai hasi tèst di DNA di e paña nan unda esaki a Sali positivo den kaso di 2 di e sospechosonan.
Tambe a bai hasi tèst di DNA di 2 kuchú ku lo mester a bin haña riba e dia en kuestion, unda esaki a Sali positivo. Segun fiskal e tèst a proba ku Romain lo mester tabatin e kuchú den su man riba e dia en kuestion. Loke sigur a yuda polisnan hopi bon den e kaso ta e testigu ku lo mester a mira e sospechosonan kore bai direkshon di e tereno unda nan a bin keda detené.
E testigu lo mester a bisa polisnan ku e la mira e sospechosonan kore bai direkshon di e kas unda  nan a keda detené, unda a bin haña tur kos den aria di e kasnan. A bin haña e kaha di plaka ku nan lo mester a kaba di kita riba e dia en kuestion for di e empresarionan chines. Mas aleu a bin dilanti ku a bin haña e sospechosonan hopi nervioso riba e dia en kuestion, unda a mira ku Maria lo mester a kaba di kore.
Esaki mirando kon e sospechoso tabata hala rosea. A realisá nan detenshon unda mesora a inisiá ku e investigashon ku a bin yuda fiskal pa pidi kastigu kontra e sospechosonan ayera. A skucha un testigu ku lo mester a mira e sospechosonan riba e dia en kuestion, unda el a bisa ku el a mira nan 3 sintá den un sofá. Segun e testigu ku den ora nan di atardi e 3 sospechosonan tabata huntu, esta kontrali na loke nan a deklará.
Tabata te na ora ku a bisa nan ku e tèst di DNA a Sali positivo ku Romain lo mester a atmití ku e paña ku lo a haña ta di dje. El a bisa ku e no ta haña hustu ku ta bai ku su paña i habri kaso kontra di dje. Loke tambe a hala atenshon ta e echo ku e víktimanan ku a bai tira atrako riba dje, lo mester a rekonosé 2 di e sospechosonan komo esnan ku a kometé e echo.
Fiskal a bisa ku e ta haña e kaso hopi grave unda ta laga e víktimanan sinti nan insigur den nan negoshi. El a bisa ku e ta haña nan mester sinta kastigu basta serio pa e echo, mirando ku e víktimanan a keda basta troumá. El a pidi un kastigu di 4 aña pa e sospechosonan, unda wes a bisa di lo tene kuenta ku nan i lo baha nan kastigu.
Mr. Gruijters a kastigá nan 36 luna di prizòn di kual 6 ta kondishonal ku 3 aña di prueba i guia di reclassering.

Reader's opinions

Leave a Reply

Your email address will not be published. Required fields are marked *